ຄູ່ມືນຳໃຊ້ Happy ERP

0ເລີ່ມຕົ້ນ 3 ນາທີ

1. ເປີດ https://app.happyerp.la/ ໃນມືຖື → ເມນູ browser → ເພີ່ມໃສ່ໜ້າຈໍຫຼັກ (Add to Home Screen) — ຈະໄດ້ໄອຄອນ Happy ERP ເປີດຄືແອັບ
2. ຄັ້ງທຳອິດມີ ທົວ 3 ຂໍ້ — ກົດ ເລີ່ມໃຊ້ ຈະພາໄປໄລຟ໌ຄອນໂຊລ · ຢາກລອງກ່ອນ ໃຫ້ຫຼິ້ນກັບ ຂໍ້ມູນເດໂມ (ປ້າຍ “ເດໂມ” ຂ້າງຫົວຂໍ້) ຂໍ້ມູນຢູ່ໃນເຄື່ອງເຈົ້າເທົ່ານັ້ນ
3. ໃຊ້ຈິງ = ຕ້ອງ ສ້າງບັນຊີຮ້ານກ່ອນ (ຕັ້ງຄ່າ → ບັນຊີ): ຊື່ຮ້ານ · ຊື່ເຈົ້າຂອງ · ອີເມວ · ລະຫັດຜ່ານ. ບັນຊີເປັນຕົວປົດລັອກ ສະຕັອກຝັ່ງເຊີບເວີ (ຫຼາຍເຄື່ອງບໍ່ຂາຍເກີນ) · ໜ້າສັ່ງຊື້ · ຂາຍໜ້າຮ້ານຂ້າມເຄື່ອງ · ກວດສະລິບ · Happy ຊ່ວຍຕອບ · ລາຍງານເຂົ້າ Telegram
4. ຈາກນັ້ນ ເຊື່ອມ Telegram bot ເພື່ອຮັບແຈ້ງເຕືອນ ແລະ ສັ່ງງານຜ່ານແຊັດ
5. ປ່ຽນພາສາ: ມຸມຂວາເທິງ ລາວ · EN · ไทย · ໂໝດສະຫວ່າງ/ມືດ: ປຸ່ມ ☀️

🌐 ຕ້ອງມີເນັດຈຶ່ງບັນທຶກໄດ້ (ຕັ້ງແຕ່ສະບັບ 3.6 ຕາມຄຳສັ່ງເຈົ້າຂອງ): ເນັດຂາດ = ອ່ານໄດ້ປົກກະຕິ ແຕ່ບັນທຶກບໍ່ໄດ້ ແລະ ຈະຂຶ້ນແຖບເຕືອນ — ກັນຂໍ້ມູນສອງເຄື່ອງທັບກັນ. ໂໝດເດໂມຢູ່ໃນເຄື່ອງ ຍັງແກ້ໄດ້ຄືເກົ່າ.

ໃໝ່ໃນສະບັບນີ້ (3.13 · 21 ສິງຫາ 2026)

1ພາບລວມ

ໜ້າທຳອິດຕອບ 5 ຄຳຖາມຂອງມື້: ຍອດຂາຍມື້ນີ້ · ອໍເດີມື້ນີ້ · ຄ້າງຈ່າຍ · ໃກ້ໝົດສາງ · ແຊັດຍັງບໍ່ຕອບ.

• ອໍເດີຫຼ້າສຸດ — ກົດແຖວໃດ ເປີດອໍເດີນັ້ນທັນທີ
• ຄົບກຳນົດຕິດຕາມ — ອໍເດີ CF ທີ່ຍັງບໍ່ຈ່າຍເກີນ 1 ຊມ/12 ຊມ ແລະ ແຊັດທີ່ຕັ້ງເຕືອນໄວ້ · ປຸ່ມ ສົ່ງທວງເງິນ ທວງທັງໝົດຄັ້ງດຽວ
• ແຊັດລໍຖ້າຕອບ · ໃກ້ໝົດສາງ — ກົດເຂົ້າໄປຈັດການໄດ້ເລີຍ

2ໄລຟ໌ຄອນໂຊລ — ຄອມເມັນ CF ກາຍເປັນອໍເດີ

1. ກົດ ເລີ່ມໄລຟ໌ ຕັ້ງຊື່ (ເຊັ່ນ “ໄລຟ໌ຄືນວັນສຸກ”) — ເພື່ອເກັບສະຖິຕິແຍກຄັ້ງ ທຽບກັບຄັ້ງກ່ອນໄດ້
2. ລູກຄ້າຄອມເມັນ → ພິມຊື່ + ຂໍ້ຄວາມລົງຊ່ອງລຸ່ມ (ເມື່ອເຊື່ອມ Facebook ແລ້ວ ຄອມເມັນຈະເຂົ້າເອງ) ຫຼື ກົດ ຈຳລອງຄອມເມັນ ເພື່ອລອງ
3. ລະບົບອ່ານ ລະຫັດ CF → ສ້າງອໍເດີ · ຕັດສະຕັອກ · ຕອບອັດຕະໂນມັດ “ຮັບ CF ແລ້ວ ເຊັກອິນບັອກ” · ສົ່ງລິ້ງຢືນຢັນ Messenger (ຕັ້ງເປີດ/ປິດໄດ້ໃນ ຕັ້ງຄ່າ → ອັດຕະໂນມັດ)
4. ເຄື່ອງໝົດ → ເຂົ້າ ຄິວຖ້າ — ເມື່ອຮັບເຂົ້າສາງແລ້ວ ກົດ ສ້າງອໍເດີ ຈາກຄິວໄດ້ເລີຍ
5. ຈົບ → ຈົບໄລຟ໌ · ສະຫຼຸບ ເຫັນ ອໍເດີ · ຍອດ · ຄິວຖ້າ · CF/ຄອມເມັນ ແລະ ເກັບເຂົ້າ ປະຫວັດໄລຟ໌ (ສະແດງ % ຍອດທຽບຄັ້ງກ່ອນ)

ຮູບແບບຄອມເມັນທີ່ອ່ານອອກ

📡 ຄອມເມັນຈາກ Facebook Live ຈິງ

ເມື່ອເຊື່ອມ Facebook Page ແລ້ວ (ຕັ້ງຄ່າ → ການເຊື່ອມຕໍ່ → ທົດສອບການເຊື່ອມຕໍ່ ຕ້ອງຂຶ້ນຊື່ເພຈ): ກົດ ໄລຟ໌ Facebook → ເລືອກໄລຟ໌ທີ່ກຳລັງອອກອາກາດ (ຫຼື ໃສ່ Live Video ID) → ຄອມເມັນຈະໄຫຼເຂົ້າກະແສທຸກ 4 ວິນາທີ ແລະ ຖືກອ່ານ CF ຄືກັນກັບຄອມເມັນທີ່ພິມເອງ. ຈຸດແດງກະພິບ = ກຳລັງດຶງ; ກົດອີກຄັ້ງເພື່ອຢຸດ.

⚡ Flash deal

ກົດ Flash deal → ເລືອກສິນຄ້າ · ລາຄາພິເສດ · ນາທີ → ປ້າຍສິນຄ້າຈະນັບຖອຍຫຼັງ, CF ທີ່ເຂົ້າມາຊ່ວງນັ້ນໄດ້ລາຄາພິເສດ ໝົດເວລາກັບລາຄາປົກກະຕິເອງ.

3ແຊັດ & ຄອມເມັນ — ທຸກເພຈ ຄິວດຽວ

• ກອງ: ທັງໝົດ · ຍັງບໍ່ຕອບ · ພ້ອມຊື້ · ຍັງບໍ່ມີຜູ້ຮັບ · ຄົບກຳນົດຕິດຕາມ — ຊ່ອງຄົ້ນ ຄົ້ນໃນຂໍ້ຄວາມໄດ້
• ປ້າຍ (ເລືອກໄດ້ຫຼາຍ): 🔥 ພ້ອມຊື້ · ❓ ຖາມຂໍ້ມູນ · 😡 ຮ້ອງທຸກ · 🚫 ສະແປມ
• ຜູ້ຮັບຜິດຊອບ: ມອບໃຫ້ແອັດມິນ ຫຼື ກົດ ແຈກແຊັດໃຫ້ແອັດມິນ ແຈກທີ່ຍັງບໍ່ມີເຈົ້າພາບໝູນວຽນ (ເປີດອັດຕະໂນມັດໄດ້ໃນ ຕັ້ງຄ່າ)
• ຕອບໄວ: ກົດປຸ່ມຂໍ້ຄວາມສຳເລັດຮູບ → ຂຶ້ນໃນຊ່ອງພິມ ແກ້ໄດ້ກ່ອນສົ່ງ · {price} = ລາຄາສິນຄ້າໃນອໍເດີ, {track} = ເລກພັດສະດຸ
• ✨ Happy ຊ່ວຍຕອບ (ໃໝ່ · ຕ້ອງເຂົ້າສູ່ລະບົບ): ກົດແລ້ວ AI ອ່ານບົດສົນທະນາ 12 ຂໍ້ຄວາມຫຼ້າສຸດ ບວກ ລາຄາ ແລະ ຂອງຄົງເຫຼືອຈິງ ຈາກບັນຊີສະຕັອກ ແລ້ວຮ່າງຄຳຕອບເປັນພາສາລາວລົງໃນຊ່ອງພິມ — ອ່ານ ແລະ ແກ້ກ່ອນສົ່ງ ສະເໝີ (ລະບົບບໍ່ເຄີຍສົ່ງເອງ)
  ເບີໂທໃນແຊັດຖືກປິດບັງກ່ອນສົ່ງໄປໃຫ້ AI · ຮ່າງໄດ້ 20 ເທື່ອ/10 ນາທີ · ຖ້າ AI ບໍ່ຮູ້ ມັນຈະບອກວ່າ “ຂໍກວດກ່ອນ” ແທນການເດົາ
• ເຕືອນ: ໃນ 1 ຊມ · ມື້ອື່ນ 09:00 · 3 ມື້ — ຄົບກຳນົດຈະຂຶ້ນກະດິ່ງ + ໃນໜ້າພາບລວມ
• ແນບຮູບ/ສະລິບ (ໄອຄອນຮູບ): ເມື່ອແຊັດຜູກກັບອໍເດີທີ່ຍັງບໍ່ຈ່າຍ ຈະມີປຸ່ມ ຢືນຢັນສະລິບ · ໝາຍຈ່າຍແລ້ວ ໃຕ້ຮູບ — ກົດດຽວອໍເດີກາຍເປັນຈ່າຍແລ້ວ
• ສ້າງອໍເດີຈາກແຊັດ: ຟອມເຕັມ ຊື່/ເບີ ຕື່ມໃຫ້ກ່ອນ → ສ້າງແລ້ວ ລະບົບສົ່ງຂໍ້ຄວາມຢືນຢັນ (ລາຍການ + ຍອດ + ວິທີຈ່າຍ) ໃຫ້ເອງ ແລະ ປ້າຍອໍເດີຕິດຢູ່ຫົວແຊັດ
• ເວລາຕອບສະເລ່ຍ ສະແດງຂ້າງເທິງ — ເປົ້າ ≤5 ນາທີ (ຂຽວ = ຜ່ານ, ແດງ = ຊ້າ)

ປຸ່ມ ຈຳລອງແຊັດໃໝ່ ໃຊ້ລອງລະບົບ — ເມື່ອເຊື່ອມ Facebook ແລ້ວ ແຊັດ/ຄອມເມັນຈິງຈະເຂົ້າເອງ (ເບິ່ງ ການເຊື່ອມຕໍ່).

4ອໍເດີ

ສ້າງອໍເດີດ້ວຍມື

1. ກົດ + ສ້າງອໍເດີ
2. ພິມ ເບີໂທ — ຖ້າເປັນລູກຄ້າເກົ່າ ຊື່/ທີ່ຢູ່/ແຂວງ ຈະຕື່ມໃຫ້ເອງ (ແລະ ເຕືອນຖ້າຢູ່ບັນຊີດຳ)
3. ເລືອກ ແຂວງ → ຄ່າສົ່ງຂຶ້ນເອງຕາມຕາຕະລາງ (ແກ້ໄດ້) · ໃສ່ສ່ວນຫຼຸດຖ້າມີ
4. ເພີ່ມສິນຄ້າ (+ ໄຊ + ຈຳນວນ) ໄດ້ຫຼາຍລາຍການ — ຍອດລວມຄິດໃຫ້ທັນທີ
5. ເລືອກວິທີຈ່າຍ (COD · BCEL OnePay · LAO QR · ໂອນ) ແລະ ຂົນສົ່ງ → ສ້າງອໍເດີ + ສົ່ງຢືນຢັນ

ໃບຈັດເຄື່ອງລວມ — ເກັບເຄື່ອງບາດດຽວ

ມີ 20 ອໍເດີ ບໍ່ຕ້ອງຍ່າງເກັບ 20 ຮອບ. ກົດ ໃບຈັດເຄື່ອງ ຢູ່ໜ້າ ອໍເດີ ແລ້ວລະບົບລວມທຸກອໍເດີໃຫ້ເປັນລາຍການດຽວ.

1. ຕັ້ງບ່ອນວາງກ່ອນ (ເຮັດເທື່ອດຽວ): ໜ້າ ສິນຄ້າ → ຖັນ ບ່ອນວາງ ພິມ A-1 · B-2 ຕາມຊັ້ນຈິງໃນຮ້ານ — ໃບຈັດເຄື່ອງຈະຮຽງຕາມເສັ້ນທາງຍ່າງເກັບ (A-2 ມາກ່ອນ A-10) ແລະ ອັນທີ່ຍັງບໍ່ຕັ້ງຈະໄປທ້າຍສຸດ
2. ໜ້າຈໍສະແດງ: ບ່ອນວາງ · ລະຫັດ/ໄຊສ໌ · ຊື່ສິນຄ້າ · ຈຳນວນລວມ ພ້ອມບອກວ່າແຕ່ລະລາຍການໄປໃສ່ອໍເດີໃດແດ່ (ເຊັ່ນ #7001×2 #7002)
3. ກົດ ພິມໃບຈັດເຄື່ອງ — ໜ້າ 1 ແມ່ນລາຍການເກັບ (ມີຊ່ອງໝາຍຕິກ) · ໜ້າ 2 ແມ່ນໃບແຍກໃສ່ຖົງຕໍ່ອໍເດີ
4. ເກັບເຄື່ອງຕາມໜ້າ 1 ບາດດຽວ → ມາແຍກໃສ່ຖົງຕາມໜ້າ 2 → ຕິດໃບປະໜ້າ
5. ແພັກຄົບແລ້ວກົດ ໝາຍແພັກແລ້ວ ເທື່ອດຽວ (ໝາຍສະເພາະອໍເດີທີ່ ຈ່າຍແລ້ວ)

ນັບສະເພາະອໍເດີທີ່ ຢືນຢັນແລ້ວ (CF) ຫຼື ຈ່າຍແລ້ວ ແລະ ຍັງບໍ່ທັນສົ່ງ — ບິນໜ້າຮ້ານ (POS) ແລະ ອັນທີ່ສົ່ງອອກໄປແລ້ວ ບໍ່ນັບ.

ໃນອໍເດີທີ່ເປີດຢູ່

• ແກ້ລາຍການ: ປ່ຽນຈຳນວນ · ລົບ · ເພີ່ມສິນຄ້າ — ສະຕັອກປັບຕາມເອງ (ແກ້ໄດ້ຈົນກວ່າຈະແພັກ)
• ສະຖານະ: ປຸ່ມແດງພາໄປຂັ້ນຕໍ່ໄປ (ຢືນຢັນ CF → ໝາຍຈ່າຍແລ້ວ → ແພັກແລ້ວ → ສົ່ງອອກ) · ຍົກເລີກ = ຄືນສະຕັອກ · ກົດຜິດ? ມີ ຍົກເລີກການກະທຳ ໃນແຈ້ງເຕືອນ 6 ວິ
• QR ຈ່າຍເງິນ (ອໍເດີທີ່ບໍ່ແມ່ນ COD): ສ້າງ LAO QR ພ້ອມຍອດ → ສົ່ງ QR ໃຫ້ລູກຄ້າ · ຕັ້ງຂໍ້ມູນ Merchant ໃນ ຕັ້ງຄ່າ ກ່ອນ
• ສົ່ງທວງເງິນ: ຂໍ້ຄວາມທວງ + QR ເຂົ້າແຊັດລູກຄ້າ (ນັບຄັ້ງ) · ລະບົບທວງເອງຫຼັງ 1 ຊມ ແລະ 12 ຊມ ຖ້າເປີດໃນ ຕັ້ງຄ່າ
• ໃບປະໜ້າ: ພິມ A6 ມີຜູ້ສົ່ງ/ຜູ້ຮັບ/ລາຍການ/ຍອດ COD · ເລືອກຫຼາຍອໍເດີ (ຊ່ອງຕິກ) → ພິມໃບປະໜ້າ ທັງຊຸດ
• ເຮັດເປັນຊຸດ: ຕິກຫຼາຍລາຍ → ແພັກແລ້ວ / ສົ່ງອອກ / ຍົກເລີກ ຄັ້ງດຽວ
• ປະຫວັດ: ໃຜສ້າງ ໃຜປ່ຽນສະຖານະ ເມື່ອໃດ (ລວມ Happy bot)

ພິມລາຍການສົ່ງ = ໃບສະຫຼຸບໃຫ້ຂົນສົ່ງ (ອໍເດີທີ່ຈ່າຍ/ແພັກແລ້ວ) · CSV = ສົ່ງອອກທັງໝົດໄປ Excel

4bຂາຍໜ້າຮ້ານ (POS)

ໜ້າ ຂາຍໜ້າຮ້ານ ໃຊ້ສະຕັອກ ແລະ ລູກຄ້າ ຊຸດດຽວກັນ ກັບໄລຟ໌/ແຊັດ — ຂາຍໜ້າຮ້ານແລ້ວສະຕັອກອອນລາຍຫຼຸດທັນທີ ແລະ ກຳໄລລວມຢູ່ໃນລາຍງານດຽວ.

1. ເປີດຮອບຂາຍ ຕອນເປີດຮ້ານ — ໃສ່ເງິນສົດຕັ້ງຕົ້ນທີ່ມີໃນລິ້ນຊັກ (ບໍ່ເປີດຮອບ = ຂາຍບໍ່ໄດ້ ເພື່ອໃຫ້ນັບເງິນຖືກຕອນປິດ)
2. ກົດສິນຄ້າ ເພື່ອໃສ່ຕະກ້າ ຫຼື ສະແກນບາໂຄດ (ພິມ/ສະແກນແລ້ວກົດ Enter) · ສິນຄ້າມີໄຊສ໌ຈະຖາມໄຊສ໌ກ່ອນ
3. ເລືອກວິທີຈ່າຍ: ເງິນສົດ (ໃສ່ເງິນທີ່ຮັບ → ບອກເງິນທອນ) · LAO QR (ຂຶ້ນ QR ຕາມຍອດ) · ໂອນທະນາຄານ
4. ໃສ່ເບີໂທລູກຄ້າ (ບໍ່ບັງຄັບ) ເພື່ອສະສົມແຕ້ມ ແລະ ໃຫ້ປະຫວັດການຊື້ຢູ່ໜ້າ ລູກຄ້າ
5. ກົດ ຮັບເງິນ & ພິມບິນ — ບິນ 80mm ອອກທັນທີ ແລະ ສະຕັອກຖືກຕັດ
6. ປິດຮອບ ຕອນປິດຮ້ານ: ນັບເງິນສົດຈິງ → ລະບົບບອກ ຕ່າງ ເທົ່າໃດ ແລ້ວພິມໃບສະຫຼຸບຮອບເກັບໄວ້ກັບເງິນ

ຄືນສິນຄ້າ: ແຖບ ບິນ → ຫາບິນ → ຄືນສິນຄ້າ → ໃສ່ຈຳນວນທີ່ຄືນ. ສະຕັອກຄືນເຂົ້າສາງ (ເຫດຜົນ “ຄືນສິນຄ້າ”), ຍອດບິນຫຼຸດຕາມ ແລະ ເງິນອອກຈາກລິ້ນຊັກໃນຮອບນັ້ນ.

ບິນໜ້າຮ້ານ ບໍ່ໄປປົນ ຄິວຂົນສົ່ງ (ລູກຄ້າຮັບເຄື່ອງໄປແລ້ວ) ແຕ່ຍັງເຫັນຢູ່ໜ້າ ອໍເດີ ແລະ ລາຍງານ ໂດຍມີປ້າຍຊ່ອງທາງ “ໜ້າຮ້ານ”.

4cໜ້າສັ່ງຊື້ (ລິ້ງໃຫ້ລູກຄ້າ)

ເປີດຢູ່ ຕັ້ງຄ່າ → ການເຊື່ອມຕໍ່ → ໜ້າສັ່ງຊື້ — ໄດ້ລິ້ງ ແລະ QR ໄປວາງໃນ bio ເພຈ · ໃນໂພສ · ໃນໄລຟ໌.

• ລູກຄ້າເລືອກເຄື່ອງ ໃສ່ຊື່/ເບີ/ທີ່ຢູ່ ເລືອກ COD ຫຼື ໂອນ ແລ້ວກົດສັ່ງ — ໄດ້ເລກອໍເດີທັນທີ
• ອໍເດີເຂົ້າມາເປັນ “ລໍຢືນຢັນ” ພ້ອມຈອງຂອງໄວ້ໃຫ້ ແລະ ແຈ້ງເຂົ້າ Telegram — ກົດ “ຢືນຢັນ” ໃນແອັບຈຶ່ງຕັດສະຕັອກຈິງ
• ຂອງໝົດ = ຫາຍຈາກໜ້າສັ່ງຊື້ເອງ · ລູກຄ້າບໍ່ເຫັນຕົ້ນທຶນ ຫຼື ອໍເດີຄົນອື່ນ
• ລິ້ງຫຼຸດອອກໄປພາຍນອກ? ກົດ ປ່ຽນລິ້ງໃໝ່ — ລິ້ງເກົ່າຈະໃຊ້ບໍ່ໄດ້ທັນທີ
• ເລືອກ “ໂອນ / QR” = ລູກຄ້າແປະສະລິບໄດ້ເລີຍ (ໃໝ່): ຫຼັງສັ່ງ ໜ້າຈະສະແດງ QR ຮ້ານ + ເລກບັນຊີ ພ້ອມປຸ່ມ 📤 ແປະສະລິບການໂອນ — ລະບົບກວດກັບທະນາຄານໃຫ້ທັນທີ ແລ້ວຜົນໄປໂຜ່ໃນອໍເດີຝັ່ງເຮົາ (ປ້າຍ 🧾 ໃນລາຍການ + ແຜງລາຍລະອຽດເມື່ອກົດເປີດ)
• ຢາກໃຫ້ລູກຄ້າເຫັນ QR: ອັບຮູບ QR ຮ້ານທີ່ ຕັ້ງຄ່າ → QR ຈ່າຍເງິນ ຫຼື ໃສ່ເລກບັນຊີໄວ້ — ໜ້າສັ່ງຊື້ຈະດຶງໄປສະແດງເອງ
• ສະລິບຜ່ານແລ້ວ ຍັງບໍ່ໝາຍ “ຈ່າຍແລ້ວ” ໃຫ້ເອງ — ກົດປຸ່ມ ໝາຍຈ່າຍແລ້ວ ໃນແຜງສະລິບ ເມື່ອເຮົາເຫັນວ່າຖືກຕ້ອງ (ອໍເດີຈາກລິ້ງຍັງບໍ່ທັນຕັດສະຕັອກ)

4dກວດສະລິບໂອນເງິນ

ໃນອໍເດີທີ່ຈ່າຍແບບ ໂອນ/QR ຈະມີປຸ່ມ ກວດສະລິບ — ແນບຮູບສະລິບທີ່ລູກຄ້າສົ່ງມາ ແລ້ວລະບົບຖາມ BCEL ໃຫ້.

• ຜ່ານ ແລະ ຍອດຕົງ → ໝາຍ “ຈ່າຍແລ້ວ” ໃຫ້ເລີຍ
• ຍອດບໍ່ຕົງ → ບອກຄວາມຕ່າງ ໃຫ້ເຮົາຕັດສິນ
• ສະລິບຊ້ຳ (ເຄີຍໃຊ້ແລ້ວ) → ບອກເລີຍ ບໍ່ໝາຍຈ່າຍ — ກັນລູກຄ້າສົ່ງຮູບເກົ່າຫຼອກ
• ອ່ານ QR ບໍ່ອອກ → ໃຫ້ຖ່າຍໃໝ່ໃຫ້ຊັດ ຫຼື ກວດດ້ວຍຕາ

⚠️ ຕ້ອງໃສ່ ເລກບັນຊີຮ້ານ ທີ່ໜ້າ admin.happyerp.la/settings ກ່ອນ — ບໍ່ດັ່ງນັ້ນລະບົບຢືນຢັນໄດ້ພຽງວ່າ “ມີການໂອນຈິງ” ແຕ່ບອກບໍ່ໄດ້ວ່າເງິນເຂົ້າບັນຊີຂອງເຮົາ ແລະ ຈະບໍ່ໝາຍຈ່າຍໃຫ້ອັດຕະໂນມັດ.

4eຄິວໂທຢືນຢັນ ແລະ ຄ່າຄອມ

• ຄິວໂທ ຢູ່ໜ້າ ພາບລວມ — ອໍເດີຈາກລິ້ງ · COD ຍອດ ≥500,000₭ · ລູກຄ້າບັນຊີດຳ ຈະຂຶ້ນມາເອງ. ກົດ ໂທ → ຢືນຢັນແລ້ວ (ຕັດສະຕັອກ ພ້ອມແພັກ) ຫຼື ບໍ່ຮັບສາຍ (ໂຜ່ຄືນໃນ 3 ຊົ່ວໂມງ ພ້ອມນັບຄັ້ງ)
• ຕິດຕາມ COD ຫຼັງສົ່ງ (ໃໝ່) — ພັດສະດຸ COD ທີ່ອອກຈາກຮ້ານໄປແລ້ວ 1 ມື້ ຍັງບໍ່ຮອດ ຈະຂຶ້ນຄິວ ຕິດຕາມ COD ຫຼັງສົ່ງ ຢູ່ໜ້າພາບລວມ. ໂທຢ້ຳສັ້ນໆ ກ່ອນຂົນສົ່ງໄປເຄາະປະຕູ = ຫຼຸດຕີກັບ: ຮັບແນ່ນອນ (ອອກຈາກຄິວ) · ບໍ່ຮັບສາຍ (ກັບມາອີກ 2 ມື້ ສູງສຸດ 3 ເທື່ອ) · ຈະບໍ່ຮັບ (ໝາຍ ⚠ ສ່ຽງຕີກັບ ໃຫ້ເຫັນໃນໜ້າຂົນສົ່ງ — ແຈ້ງຂົນສົ່ງໄດ້ເລີຍ ບໍ່ຕ້ອງລໍໃຫ້ໄປສົ່ງເສຍຖ້ຽວ)
• ຄ່າຄອມ — ຕັ້ງ % ຕໍ່ຄົນຢູ່ ຕັ້ງຄ່າ → ທີມງານ ແລ້ວເບິ່ງຍອດຢູ່ ລາຍງານ → ຄ່າຄອມພະນັກງານ (ຄິດຈາກອໍເດີທີ່ຈ່າຍແລ້ວ ບໍ່ນັບຕີກັບ)

5ສິນຄ້າ

• ກົດໃສ່ ຊື່ · ລາຄາ · ຕົ້ນທຶນ · ສະຕັອກ · ຈຸດເຕືອນ ໃນຕາຕະລາງ ແກ້ຄາທີ່ (Enter ເພື່ອບັນທຶກ)
• + ເພີ່ມສິນຄ້າ / ໄອຄອນດິນສໍ = ຟອມເຕັມ: ລະຫັດ 2–4 ຕົວ · ໝວດ · ຮູບ (ອີໂມຈິ ຫຼື URL) · ບາໂຄດ · ຕົວເລືອກ ໄຊ/ສີ (ພິມ S,M,L ຫຼື ແດງ,ດຳ) — ສະຕັອກແຍກຕໍ່ຕົວເລືອກ
• ກອງຕາມໝວດ · ຄົ້ນດ້ວຍ ລະຫັດ/ຊື່/ບາໂຄດ (ສະແກນບາໂຄດໃສ່ຊ່ອງຄົ້ນໄດ້)
• ກຳໄລ/ອັນ ສະແດງໃຕ້ຕົ້ນທຶນ · ສິນຄ້າ ≤ ຈຸດເຕືອນ ຂຶ້ນສີເຫຼືອງ, ໝົດ = ແດງ

6ສາງ

7ລູກຄ້າ (CRM)

• ກຸ່ມອັດຕະໂນມັດ: VIP (≥300,000₭ ຫຼື ≥3 ອໍເດີ) · ຊື້ຊ້ຳ · ລູກຄ້າໃໝ່ · ຍັງບໍ່ຊື້ (ມາຈາກແຊັດ)
• ຄວນທັກກັບ: ເງົາເກີນ 30 ມື້ → ປຸ່ມ ຮ່າງຂໍ້ຄວາມທັກກັບ ຄັດລອກໄປວາງ Messenger
• ໂປຣໄຟລ໌: ຍອດລວມ · ສະເລ່ຍ · ແຕ້ມສະສົມ (1 ແຕ້ມ/10,000₭ ທີ່ຈ່າຍ) · ຕີກັບ · ທີ່ຢູ່ · ໝາຍເຫດ · ປະຫວັດອໍເດີ (ກົດໄປອໍເດີໄດ້)
• ບັນຊີດຳ: ເປີດໃຫ້ລູກຄ້າທີ່ຕີກັບຊ້ຳ/ບໍ່ຮັບຂອງ → ເວລາສ້າງອໍເດີໃຫ້ເບີນີ້ ລະບົບເຕືອນໃຫ້ຂໍໂອນກ່ອນສົ່ງ
• ສົ່ງຂໍ້ຄວາມເປັນກຸ່ມ: ເລືອກກຸ່ມ + ຂໍ້ຄວາມ ({n} = ຊື່) → ໄດ້ລາຍການ ຊື່ · ເບີ · ຂໍ້ຄວາມ ຄັດລອກໄປສົ່ງ

8ຂົນສົ່ງ & COD

1. ພ້ອມສົ່ງ (ຈ່າຍແລ້ວ/ແພັກແລ້ວ ຫຼື COD ທີ່ CF ແລ້ວ) → ສົ່ງໃຫ້ຂົນສົ່ງ = ໄດ້ເລກພັດສະດຸ (ANS-2608-1043) + ແຈ້ງລູກຄ້າເອງ · ພິມໃບປະໜ້າ ທັງຊຸດ
2. ກຳລັງຂົນສົ່ງ → ສົ່ງເຖິງແລ້ວ ຫຼື ຕີກັບ (RTO) (ຄືນສະຕັອກເອງ + ນັບເຂົ້າອັດຕາຕີກັບ)
3. ສົມທຽບ COD: ເມື່ອຂົນສົ່ງໂອນເງິນມາ ໃສ່ຍອດທີ່ໄດ້ຮັບ → ເຫັນ “ກົງກັນ” ຫຼື “ຕ່າງ −20,000₭” ທັນທີ → ບັນທຶກຮັບເງິນ ປິດອໍເດີທັງຊຸດ (ມີປະຫວັດສົມທຽບ)
4. ນຳເຂົ້າໄຟລ໌ຂົນສົ່ງ (CSV): ວາງຂໍ້ຄວາມ ຫຼື ເລືອກໄຟລ໌ ທີ່ມີ ເລກພັດສະດຸ, ສະຖານະ (delivered/rto), ຍອດ COD → ລະບົບອັບເດດອໍເດີໃຫ້ເປັນຊຸດ

CSV ໃຫ້ຂົນສົ່ງ = ສົ່ງອອກລາຍການພ້ອມສົ່ງ (ຜູ້ຮັບ ເບີ ທີ່ຢູ່ ແຂວງ ລາຍການ ຍອດ COD ຜູ້ສົ່ງ) ໃຫ້ອານຸສິດ/HAL ນຳເຂົ້າ — ຈົນກວ່າຈະມີ API ຕົງ

ຕາຕະລາງ ຕີກັບຕາມແຂວງ ບອກວ່າແຂວງໃດຄວນຂໍໂອນກ່ອນສົ່ງ · ຄ່າສົ່ງຕໍ່ແຂວງ ຕັ້ງໃນ ຕັ້ງຄ່າ → ຄ່າສົ່ງ

9ລາຍງານ

• ເລືອກຊ່ວງ 7 / 30 / 90 ມື້
• ກຳໄລຂັ້ນຕົ້ນ = ຍອດ − ຕົ້ນທຶນ · ກຳໄລສຸດທິ = ຫັກຄ່າສົ່ງ + ຄ່າແອດ — ບັນທຶກຄ່າແອດດ້ວຍ + ບັນທຶກຄ່າແອດ (ວັນທີ · ກີບ)
• ຍອດໄລຟ໌ຕາມຊົ່ວໂມງ (ຫາເວລາທອງ) · ລູກຄ້າໃໝ່ vs ຊື້ຊ້ຳ · ອັດຕາຕີກັບ · ຍອດຕໍ່ພະນັກງານ
• ສົ່ງອອກ CSV (ເປີດ Excel/Google Sheets) · ພິມລາຍງານ ສະຫຼຸບໜ້າດຽວ

10ຕັ້ງຄ່າ

11ບັນຊີ & ຊິງຄ໌ເຊີບເວີ — ຈາກເດໂມ ສູ່ ໃຊ້ຈິງ

1. ຕັ້ງຄ່າ → ກ່ອງ ບັນຊີ & ຊິງຄ໌ເຊີບເວີ → ສ້າງຮ້ານໃໝ່
2. ກອກ ຊື່ຮ້ານ · ຊື່ເຈົ້າຂອງ · ອີເມວ · ລະຫັດຜ່ານ (≥6 ຕົວ) → ສ້າງຮ້ານໃໝ່
3. ເຫັນ “ເຂົ້າໃຊ້ເປັນ … ເຈົ້າຂອງ” + ຊິງຄ໌ອັດຕະໂນມັດ ເປີດ — ສຳເລັດ
4. ເພີ່ມຄົນໃນທີມ: + ເພີ່ມຜູ້ໃຊ້ (ຊື່ · ອີເມວ · ລະຫັດ · ສິດ admin/packer) → ເຂົາເປີດແອັບ → ເຂົ້າສູ່ລະບົບ ດ້ວຍອີເມວຂອງຕົນ ຈະເຫັນຂໍ້ມູນຮ້ານດຽວກັນ

• ສິດຕາມບົດບາດ (ເຊີບເວີບັງຄັບ ບໍ່ແມ່ນແຕ່ຊ່ອນປຸ່ມ): ເຈົ້າຂອງ ທຸກຢ່າງ · ແອັດມິນ ແຊັດ/ອໍເດີ/ລູກຄ້າ/ສິນຄ້າ/ສາງ/ຂົນສົ່ງ/ລາຍງານ (ແກ້ຕັ້ງຄ່າຮ້ານ ທີມ ອັດຕະໂນມັດ ຄ່າສົ່ງ ບໍ່ໄດ້) · ແພັກ/ສົ່ງ ສາງ + ຂົນສົ່ງ ເທົ່ານັ້ນ (ຮັບເຂົ້າ/ນັບສາງ/PO, ແພັກ→ສົ່ງ→ສົ່ງເຖິງ/ຕີກັບ, ສົມທຽບ COD; ບໍ່ເຫັນແຊັດ/ໄລຟ໌/ລູກຄ້າ, ບໍ່ປ່ຽນລາຄາ) — ຖ້າເຮັດເກີນສິດ ຈະຂຶ້ນ “ເຊີບເວີປະຕິເສດ … ການປ່ຽນແປງ” ແລະ ຂໍ້ມູນດຶງກັບຄືນ
• ລະຫັດຜ່ານ: ປ່ຽນເອງທີ່ ປ່ຽນລະຫັດຜ່ານ (ເຄື່ອງອື່ນຈະຖືກອອກຈາກລະບົບ) · ພະນັກງານລືມ → ເຈົ້າຂອງກົດ ຕັ້ງລະຫັດໃໝ່ ຂ້າງຊື່ · ເຈົ້າຂອງລືມເອງ → ແຈ້ງຜູ້ດູແລລະບົບ ຕັ້ງໃຫ້ທາງ VPS · ລົບພະນັກງານດ້ວຍປຸ່ມ ×
• ກັນລອງລະຫັດ: ເຂົ້າຜິດຫຼາຍຄັ້ງ (10 ຄັ້ງ/10 ນາທີ) ລະບົບຈະຢຸດຮັບຊົ່ວຄາວ — ລໍ 10 ນາທີ
• ສຳຮອງຝັ່ງເຊີບເວີ: ທຸກຄືນ 03:10 ອັດຕະໂນມັດ (ເກັບ 30 ມື້) ນອກເໜືອຈາກສຳຮອງ JSON ຂອງເຈົ້າເອງ
• ຊິງຄ໌ດຽວນີ້ = ດັນຂໍ້ມູນເຄື່ອງນີ້ຂຶ້ນ · ດຶງຈາກເຊີບເວີ = ເອົາຂອງເຊີບເວີມາແທນ · ຖ້າສອງເຄື່ອງແກ້ພ້ອມກັນ ເຊີບເວີຈະຊະນະ ແລະ ແຈ້ງໃຫ້ຮູ້
• ແອັບກວດເຊີບເວີທຸກ 1 ນາທີ ເວລາ login ຢູ່ — ອໍເດີທີ່ຄົນອື່ນ/bot ສ້າງ ຈະໂຜ່ເອງ
• ເນັດຂາດ? ໃຊ້ຕໍ່ໄດ້ປົກກະຕິ ຊິງຄ໌ເມື່ອເນັດກັບມາ

12ເຊື່ອມ Telegram bot (ທີມ AI Happy) — ຂໍ້ມູນຊຸດດຽວ

ທີມ AI Happy ໃນ Telegram ບັນທຶກອໍເດີ/ສາງຜ່ານ salescli. ເມື່ອເຊື່ອມແລ້ວ ERP ແລະ bot ໃຊ້ ຖານຂໍ້ມູນດຽວກັນ: ບອກ bot “ບັນທຶກອໍເດີ…” → ໂຜ່ໃນ ERP · ສ້າງ/ປ່ຽນສະຖານະໃນ ERP → bot, ຮອບເຊົ້າ/ແລງ, ຫ້ອງບັນຊາການ ເຫັນຄືກັນ.

1. ຕ້ອງ login ເປັນເຈົ້າຂອງ ກ່ອນ
2. ຕັ້ງຄ່າ → ການເຊື່ອມຕໍ່ (ຂອງຈິງ) → ເປີດສະວິດ ເຊື່ອມຖານ salescli (Telegram bot ທີມ Happy)
3. ຖ້າແອັບຍັງມີຂໍ້ມູນເດໂມ ລະບົບຈະຖາມ → ກົດ ຕົກລົງ = ລ້າງເດໂມ ແລ້ວເລີ່ມຈາກຂໍ້ມູນຈິງຂອງ bot (ແນະນຳ — ຖ້າບໍ່ລ້າງ ອໍເດີຕົວຢ່າງຈະໄຫຼເຂົ້າຖານ bot)
4. ພາຍໃນ 2–3 ວິ ເຫັນ “ຈັບຄູ່ແລ້ວ N ອໍເດີ · N ສິນຄ້າ” — ອໍເດີ/ສິນຄ້າຂອງ bot ຢູ່ໃນໜ້າ ອໍເດີ/ສິນຄ້າ/ສາງ ແລ້ວ

ການເຊື່ອມຕໍ່ອື່ນ (ເຈົ້າຂອງເທົ່ານັ້ນ)

• Facebook Page: ໃສ່ Page ID · Page Access Token · App Secret · Verify Token → ໃນ Meta App ຕັ້ງ webhook ເປັນ URL ທີ່ສະແດງໃນໜ້າ (ສະໝັກ messages, feed) → ແຊັດ/ຄອມເມັນຈິງ ເຂົ້າກ່ອງແຊັດ, ຄອມເມັນມີເບີໂທຖືກເຊື່ອງຈິງ, ຕອບ Messenger ຈາກ ERP ໄດ້
• Meta CAPI: Pixel/Dataset ID + CAPI Token → ທຸກອໍເດີທີ່ຈ່າຍແລ້ວ ສົ່ງ event Purchase ໃຫ້ Facebook Ads (ແອດຫາລູກຄ້າແບບດຽວກັນເກັ່ງຂຶ້ນ)

ຂໍ້ມູນລັບທັງໝົດເກັບຢູ່ເຊີບເວີ (ບໍ່ຢູ່ browser) ແລະ ສະແດງແບບປິດບັງ.

13ຄີລັດ & ເຄັດລັບ

• ຕ້ອງມີເນັດ ແລະ ເຂົ້າສູ່ລະບົບ ຈຶ່ງບັນທຶກໄດ້ (ໃໝ່) — ຖ້າເນັດຫຼຸດ ແອັບຈະຂຶ້ນແຖບແດງ “ອ່ານໄດ້ ແຕ່ບັນທຶກບໍ່ໄດ້”: ເບິ່ງອໍເດີ/ສະຕັອກ/ລາຍງານໄດ້ຕາມປົກກະຕິ ແຕ່ຂາຍ ຫຼື ແກ້ຂໍ້ມູນບໍ່ໄດ້ຈົນກວ່າເນັດຈະກັບມາ (ກັນຂໍ້ມູນສອງເຄື່ອງທັບກັນ). ເນັດກັບມາ = ໃຊ້ໄດ້ຄືເກົ່າທັນທີ
• ຂອງບໍ່ພໍ = ຂາຍບໍ່ໄດ້ (ໃໝ່) — ຖ້າເຂົ້າສູ່ລະບົບຢູ່ ເຊີບເວີຈະກວດ “ຂາຍໄດ້” ໃຫ້ທຸກເທື່ອກ່ອນຮັບອໍເດີ: ອີກເຄື່ອງໜຶ່ງຂາຍຊິ້ນສຸດທ້າຍໄປແລ້ວ ແອັບຈະບອກ “A1 ຂໍ 1 ແຕ່ຂາຍໄດ້ 0 — ເຄື່ອງອື່ນຂາຍໄປແລ້ວ” ແລະ ບໍ່ສ້າງອໍເດີ (ໃນໄລຟ໌ຈະລົງ ຄິວຖ້າ ໃຫ້ແທນ). ໜ້າ ສາງ ສະແດງ “ຈອງ” (ອໍເດີລໍຢືນຢັນ) ແລະ “ຂາຍໄດ້” ໄວ້ໃຫ້ເບິ່ງ. ⚠️ ຕອນ ບໍ່ມີເນັດ ແອັບຍັງຂາຍໃຫ້ (ບໍ່ຢຸດການຂາຍ) — ຖ້າຂາຍເກີນຈິງ ຈະເຫັນຕົວເລກແດງ “ຂາຍເກີນ” ຕອນເນັດກັບມາ
• ແບ່ງໜ້າ 12 ລາຍການ — ທຸກລາຍການ (ອໍເດີ · ແຊັດ · ລູກຄ້າ · ສິນຄ້າ · ສາງ · ຂົນສົ່ງ …) ສະແດງໜ້າລະ 12 ແຖວ ພ້ອມແຖບ 1 2 3 … ຢູ່ທ້າຍລາຍການ: ກົດເລກເພື່ອຂ້າມໜ້າ · ຄົ້ນຫາ ຫຼື ປ່ຽນປ້າຍກອງ ຈະກັບໄປໜ້າ 1 ໃຫ້ເອງ · ຄົ້ນຫາອໍເດີແລ້ວກົດເປີດ ລະບົບຈະໂດດໄປໜ້າທີ່ມີອໍເດີນັ້ນເລີຍ. ຢູ່ ນັບສາງ ຈຳນວນທີ່ພິມໄວ້ບໍ່ຫາຍຕອນປ່ຽນໜ້າ — ພິມໃຫ້ຄົບທຸກໜ້າ ແລ້ວຄ່ອຍກົດ “ບັນທຶກຜົນນັບ” ເທື່ອດຽວ
• ຕັ້ງ ໄຊ/ສີ ໃຫ້ສິນຄ້າກ່ອນໄລຟ໌ — CF ຈະລະບຸໄຊໄດ້ ແລະ ຄິວຖ້າຕົງໄຊ
• ດາວໂຫຼດ ສຳຮອງ JSON ອາທິດລະຄັ້ງ ເຖິງແມ່ນຊິງຄ໌ຢູ່ — ເປັນປະກັນອີກຊັ້ນ
• ໃສ່ ຄ່າແອດ ທຸກມື້ ເພື່ອໃຫ້ກຳໄລສຸດທິແມ່ນ
• ລູກຄ້າ COD ທີ່ເຄີຍຕີກັບ → ເປີດ ບັນຊີດຳ ແລ້ວຂໍໂອນກ່ອນ — ຫຼຸດ RTO ໄດ້ຫຼາຍສຸດ

14ຄຳຖາມ & ແກ້ບັນຫາ

Happy ERP ໂດຍທີມ T & K · ຄູ່ມືສະບັບ 3.13 · 21 ສິງຫາ 2026 · ແອັບ: app.happyerp.la · ຜູ້ດູແລລະບົບ: ສັ່ງຜ່ານ Claude Code ໃນ VPS